因與陶吉吉傳緋聞而為人熟悉的岑潔儀（Zoey），早前現身銅鑼灣潮場選購男士禦寒衣物，期間還拿起手機玩視像兼不時細聲講大聲笑，估計是為陶吉吉挑選聖誕禮物。此外，她又細心揀選貼身內衣，期間不慎「烏身露罅」，場面香艷。
Zoey早前現身銅鑼灣潮場jft，更第一時間衝往男裝部，身穿低胸短裙的Zoey，全程專攻男士禦寒衣物，包括頸巾及皮褸；面對琳瑯滿目商品顯得心大心細的Zoey，更以視像電話與男友講解所挑選服飾，期間細聲講大聲笑，愈說愈興奮的Zoey，還拿起看中的頸巾問對方漂不漂亮；見Zoey一臉冧爆甜笑，未知是否為緋聞男友陶喆挑選聖誕禮物呢？
合心水甜笑
在男裝部逛了一輪後，Zoey轉戰女士貼身內衣，包括胸圍、內褲、喱士睡衣及絲襪，只見她不時俯身挑選合心水內衣，以致不慎露罅亦懵然不知，場面香艷。Zoey拿起心水胸圍及喱士睡衣後，即在鏡前比較，露出滿意甜笑，估計是挑選靚靚內衣迎聖誕。
體貼送溫暖
記者之後問Zoey是否專誠為緋聞男友陶喆挑選聖誕禮物時，她即顯得甚為扭擰說：「都係嘅，之前都有應承送禮畀佢，因為知佢天氣凍會喉嚨敏感，所以送條頸巾畀佢保暖。（會唔會人同禮一齊飛過上海？）哈哈，唔話你知。」
文：影視組