問到李曼筠為何會電話號碼外洩？她說：「我都估到對方係邊個，因為自己平時好懶，買洗衣粉、沖涼液都要送貨，所以個送貨仔有我電話，佢有咗我電話之後，第一時間send短訊話想同我做朋友，又不時打嚟約我去街，每次我都cut佢線，之後佢就轉用無來電顯示嘅電話打畀我，所以依家所有無顯示嘅電話我都唔聽。（佢知你住址，會否報警？）我同屋企人住，所以都唔擔心，如果佢行動升級，我會考慮報警同轉電話。」

李曼筠又說初入行時都試過受電話騷擾，當時對方除約食飯，仲問她價錢，她惟有立即收線，現在想起有點被侮辱感覺。