吳卓羲（Ron）昨日為無綫收費台《星級廚房》擔任嘉賓，並即場示範廚藝，表現有板有眼，手勢十分純熟，事後Ron表示向來喜歡煮嘢食，透露十多歲已入廚，他說：「以前阿媽喺廚房煮餸，我都會去搶鑊鏟，最拿手煮海鮮。（細個志願係咪做廚師？）咁又唔係，因為我怕油煙味，不過第二時搵老婆就要搵個識煮嘢嘅。（以前有冇煮過嘢畀女朋友食？）有，本身我都鍾意食。（煮嘢追女仔？）通常追到先會煮，未追到嘅時候淨係食麥記，依家冇女友，所以好少煮。」