新「咪神」高海寧每年聖誕都有不少異性約會，但她自言家教好嚴，每年倒數完都立即「被召」回家，她笑說：「其實我拍過唔係好多次拖，過去啲嘢唔講嘞。但細個父母唔畀出夜街，平安夜同成班朋友倒數完要即刻返屋企。聖誕節一定同屋企人過，佢哋每年都會送聖誕禮物畀我同細佬，而我哋就會畫番幅畫送畀佢哋，真係好開心。」

請全家旅行

高海寧今年憑34D巨胸彈出，有傳短短三個月已勁賺六位數，她自嘆仍未收到花紅，她笑說：「未知幾多？我都想睇到後『嘩』一聲，但無論點都好，諗住畀封大利是媽咪過年。」她直言原本打算請屋企人去北海道旅行，但因工作太忙，暫時未能成行，她解釋：「呢排多咗商場騷，遲啲又要開劇，仲有同蘇民峰師傅做節目，暫時都唔得閒。以前每年父母都會請我同細佬去旅行，依家賺到少少，希望可以全家人去北海道旅行，包晒酒店、機票同使費都唔介意。」

有型男追求

此外，高海寧最近傳被高大型男追求，她自言仍是單身，而且對另一半要求嚴格，笑言最好似影帝劉青雲，她說：「我好欣賞劉青雲嘅演技，尤其係同張栢芝拍嗰套《忘不了》，如果做男朋友真係一流，唔使靚仔，最重要係成熟、穩重又錫老婆，呢對模範夫妻真係圈中典範。」