鄧麗欣（Stephy）前晚為電影DVD舉行簽唱會，提到她日前拒絕跟死敵傅穎（Theresa）合照，Stephy辯稱說：「其實嗰時場面太混亂，大合照完咗就散晒喇，冇辦法啦佢遲咗！」曾經分別跟方力申及古天樂合作，Stephy笑稱兩者一黑一白，更稱小方似「女人湯圓」。問到期待小方送甚麼聖誕禮物給她？Stephy竟然說：「叫佢送鑽石啦，（戒指？）戒指唔可以亂收，睇吓大細啦！」
另外，Stephy昨日到電台宣傳今日推出的新碟，她表示今年沒有個人歌曲入選頒獎禮，未必能在無綫跟HKRIA的糾紛中增加得獎機會。
