臨近年尾，Lavina與Rainbow特別推出性感年曆造勢，外間反應不俗。有見及此，兩女再乘勝追擊，推出印有肖像的床上用品。昨日Lavina與Rainbow及一男模為新產品拍攝相片，兩人穿上低胸睡衣，又趴又跪非常落力，面對她們的意淫甫士，男模表現尷尬，更被拍得疑似有反應。

Lavina與Rainbow落力擺出各種甫士，令穿上肖像孖煙囱的男模相當尷尬。

Lavina日前做導師，向數位準o靚模教授行catwalk心得。

期間Rainbow拿着自己的毛巾在拍照，記者問她毛巾上寫的「wet me」是何意思？她傻更更地說：「濕我囉！（點解要濕你？）意思即係個男仔沖完涼成身濕晒，咁佢就可以攬住我，我就可以幫佢吸乾晒啲水！」

銷量佳搞抱抱會

而Lavina亦表示不怕被指抄襲，她說：「人哋出嗰啲係人形攬枕，我哋呢啲係方形咕，即係傢俬舖都有得買嗰啲方形咕，而且我哋賣點好特別，係sell真材實料，（即係話人哋唔係真材實料？）我冇咁講，但我哋啲相係冇得戴bra同加墊，所以絕對係真材實料嘅！」她續說：「日本好多藝人都咁做，冇話邊個抄邊個。不過以前我哋係sell日本風，依家係sell美國風。」兩女又謂若銷量理想，將會舉行抱抱會和送kiss card。

升呢教行catwalk

另外，Lavina與Rainbow日前到西九龍中心做導師，向六位準o靚模教授行catwalk心得。Lavina雖抱病在身，但仍穿低胸上衣教路。Lavina表示行catwalk最重要保持笑容：「除咗要笑之外，仲有揀啲衫要騷自己最好嘅身形。」

文：名人組