鍾舒漫昨日為大熱歌曲《給自己的信》摘下多個流行榜冠軍及打入各大頒獎禮候選金曲舉行祝捷會，英皇高層吳雨、霍汶希（Mani）及一眾同門藝人包括：吳浩康（Deep）、詩雅、陳家樂等齊齊到場慶賀，Sherman除獲贈心意禮物外，更得吳雨打下強心針，吳雨說：「祝你快啲『升呢』做『英皇一姐』！」令Sherman感動得淚灑當場，好姊妹詩雅即為她拭淚，大師兄Deep則送抱安慰。

Sherman大為感動喜極而泣。	詩雅細心為Sherman擦拭眼淚。	大師兄Deep為Sherman送抱安慰。

感謝Deep意見

Sherman說：「係最好嘅聖誕禮物，（做英皇一姐？）唔敢當，覺得自己仲似係個新人，小學升班，（升呢？）依家未畢業，會繼續努力。」Sherman又感謝Deep經常給予專業意見。問到Deep會如何獎勵「好兄弟」？他說：「佢話乜都得啦，希望佢快啲完成夢想，擁有一隻全由佢自己作曲嘅碟。（最難聽嘅意見？）Sherman唱開英文歌，之前第一隻碟震音勁得滯，依家取得平衡就有好成績，戥佢好開心。」

一眾英皇藝人齊為Sherman新歌報捷慶祝。

吳雨祝願Sherman升呢成「英皇一姐」。

此外，詩雅為電影《前度》染新髮「色」，令向來惜「髮」的她大叫心痛，而家樂於《前》中飾演負心人，表示現實常被人負心外，更踢爆詩雅做負心人經驗十足。

詩雅為愛抑鬱

家樂說：「識咗詩雅好多年，見佢都負過幾個，自己曾經為情當住成班男仔喺球場喊，都唔敢再諗。」將在戲中與陳偉霆、鍾欣桐大搞三角戀的詩雅自爆曾為愛患上抑鬱，足足花一年時間才能平復。

文：音樂組