陳偉霆（William）前晚出席賀年歌MV拍攝，透露公司同事開聖誕派對，所以，特別抽了一小時去買聖誕禮物，花約五位數來買銀包等十多份禮物，但還未夠要再買。在旁的鍾舒漫（Sherman）、泳兒和洪卓立即時起哄要收禮物，Sherman謂：「嘩，用咗五位數，搞到我哋買禮物好大壓力呀！」
問到禮物中可有預Angelababy一份？William表示：「真係只夠時間買畀同事。（Baby禮物要花多啲心思？）我花晒心思畀啲同事啦！（聖誕可有約Baby去派對？）佢聖誕都唔喺香港，佢依家都唔喺啦！（幾時返呀？）你哋要問佢經理人喇，我只知佢唔喺香港。」
