23/12/2009

播放本新聞相關短片

基仔攞硬獎力撐無綫

古巨基加盟英皇終於一嘗唱賀年歌滋味,與鍾欣桐(阿嬌)、陳偉霆、泳兒、鍾舒漫和洪卓立前晚拍攝賀年歌《奮進號》MV,對有關無綫與四大唱片公司之版稅風波,被指是得益人的基仔,雖謙說對奪獎平常心,但仍不忘力撐無綫節目有質素。

基仔前晚一身紅噹噹賀年look拍攝MV,雖然唱歌多年,但今次是他首次唱喜氣洋洋的賀年歌,當得知一班師弟妹已期待農曆新年基仔的「大利是」,基仔笑言:「每年利是都會加碼,今年預咗用五、六位數字派利是。」

另外,有關無綫與四大唱片公司版稅風波下,造就基仔十拿九穩奪「最受歡迎男歌星」獎,基仔即言:「唔好咁講,都係平常心,好多工作忙緊,冇諗過頒獎禮嘅嘢,隨緣啦!」基仔表示因不是四大唱片公司的歌手,對事件不太了解,但都希望事件盡快解決以和為貴。

觀眾睇有質素節目

講到Kelly(陳慧琳)力撐無綫,指其他台的觀眾人數加埋都不及無綫多,基仔謂:「香港電視媒介不嬲唔只得一個電視台,只不過好大部分觀眾選擇無綫,都係睇節目嘅質素,係供求問題。」基仔與無綫有歌手合約,若能選擇可會再簽?基仔謂:「作為歌手係跟唱片公司決定,除咗歌手合約,我同無綫仲有部頭約。(部頭約咁多年仲有效,係想綁住你?)係夾唔到時間同冇合適劇本啫。」

阿嬌阿Sa互送手袋

去年賀年MV缺了阿嬌,今年則少了阿Sa,阿嬌表示阿Sa要到廣州工作未能分身演出。臨近聖誕阿嬌和阿Sa互送聖誕禮物,阿嬌謂:「我送咗個手袋畀阿Sa,點知佢話原本都諗住買呢款手袋只係唔同色送畀我,最後阿Sa送咗另一款手袋,而呢款手袋我都好鍾意。」未到聖誕已拆禮物?阿嬌笑言:「我好心急送禮物畀人,好想睇到人哋拆完禮物嘅反應。」

文:音樂組