本文重點
陳復生前日在記者會上，表示由她保管十姑娘要送給女兒及新抱的三隻價值共逾三千萬元鑽戒，何東舜銘發律師信給她，表示十姑娘已將戒指捐給基金會，現要她歸還給基金會，前日是最後限期。
要醫生證實腦清晰
陳復生表示至今戒指仍然沒有歸還，因除Michael發律師信給她外，十姑娘女兒麥慧貞同樣發律師信給她，要她還回戒指，陳復生說：「依家兩方面要我交戒指出嚟，我唔可以亂咁畀出嚟。」陳復生指出，若Michael正式入稟要她交回戒指，她將會以保管人身份將戒指交由法庭保管，而麥慧貞可入稟向Michael討回戒指。
記者昨日致電麥慧貞，她說：「我哋唔係唔肯攞戒指出嚟，只要畀我哋親身見到媽咪，醫生認為佢頭腦清晰冇問題，佢講話要咁做（捐基金會），就會畀，大家係一家人，何必搞咁多嘢出嚟。」
「安排見面都咁難？」
至於前日十姑娘公關表示聖誕節後，十姑娘將會發出書面聲明交代事件，還會有她的生活照片，麥慧貞說：「其實我哋只係想同十姑娘講嘢，又唔係要佢向公眾交代，點解安排見面都咁難。」
另外，昨日冬至陳復生約晚上八時半於尖沙咀與家人在餐廳做節，被問到開記者會後，Michael有否聯絡過她？她搖搖頭，表示今日與家人做節不談此事，而與何東舜銘的種種轇轕，她亦一概封口不答。
採訪：名人組