對於崔建邦動粗打鄺敏慧，他的緋聞女友及好友亦表關注。
袁彌明
我同佢都唔熟，係咪飲醉酒呀？哎！風流帳要還嘅。（佢追過你？）呢啲嘢唔講啦，佢追過好多人就真！
宋熙年
吓？唔會發生咁嘅事嘛！我同佢合作做《東張西望》，佢個人好有耐性，唔覺得佢暴躁，亦冇見佢鬧人，未見過佢發脾氣，所以好Shock。
洪天明
我同崔建邦雖然有出嚟一齊玩，不過私底下其實唔係太熟，大家係同事，況且依家都係單方面啫，睇吓遲啲件事發展成點先啦。
吳家樂
我同崔建邦都幾好朋友，覺得佢個人好有禮貌，佢好鍾意打拳、做運動，呢件事要調查過至知，希望大事化小啦。
甄穎珊
我同崔建邦飲過嘢，但私底下唔係咁熟。以我眼見，佢份人都幾紳士，況且佢依家上緊位，我唔相信佢會咁做囉。
James@Square
同鄺敏慧拍過一個廣告，同佢接觸唔多，認識唔深，唔算熟，件事都未證實係咪真，唔方便講咁多，但無論點都好，男人唔應該打女人。