梁漢文（Edmond）昨日出席奧海城「琴牽我心慈善鋼琴馬拉松籌款」活動，首次親睹韓國天才四指鋼琴家李喜芽鋼琴表演及演唱，Edmond大受感動說：「睇完之後有兩個字彈出嚟，就係『希望』，好感動，佢令人感受到好多正能量。」而原本只演唱的Edmond更即興自彈自唱《好朋友》送給李喜芽。
Edmond又表示為明年三月的Big4（與許志安、張衞健及蘇永康）演唱會正努力練琴，而因演唱會檔期是在陳奕迅之前，可擔心票房有壓力？Edmond則言：「唔會，每年都有好多人開演唱會，撞係一定會嘅，但我哋又唔係要開三十場，開三場啫，唔使太擔心。（四人新歌可會出碟？）會構思演唱會時或以紀念品形式出售。」
