本文重點
熊黛林（Lynn）昨日以一條搶眼火紅色Tube Dress聯同一班師姐妹，包括汪圓圓、陳碧舸、王麗娜、楊汀叮、陳詩雅和黃芝琪一起出席周大福ctf2 x Style月曆簽名會，為她們齊齊以三點式性感上陣拍攝的限量版月曆造勢。問到Lynn會否送給緋聞男友郭富城，她說：「未。（會唔會留本畀佢？）應該會留一本畀佢。（咁性感城城睇到會唔會流鼻血？）我未畀佢睇過，暫時未。（會唔會現場演繹呢個泳衣Look畀佢睇？）我唔想凍親呀。」
讚紀香好靚
近日有傳城城可能將與前緋聞女友藤原紀香在電影中再度合作，被問到可會介意，Lynn大方表示：「唔介意，都唔係第一次合作。（如果佢哋演親熱戲呢？）唔介意，之前都有拍過。」此外，她又大讚紀香很漂亮。早前Lynn揚言會看城城主演的《風雲II》，不過她至今仍未看，她說：「我聽日返南京，諗住到時同屋企人一齊睇。」記者指城城是銀幕見家長，她即笑而不語。問到可知道城城看了多少次她有份演出的《葉問》，她說：「一次已經好開心。」城城看後也有給她意見。
另外，同場的汪圓圓強調現在仍是單身，問她可有人追求，她說：「自己喺呢方面唔醒目，人哋鍾意我都唔知，所以唔可以同我暗示，要明示先得。」
文：名人組