本文重點
o靚模鍾蕙芝（Lavina）與胡心諾（Rainbow）昨出席「人氣之星頒獎禮」，對於昨日獲獎，Lavina承認o靚模熱潮帶挈她們不少，並自爆公司將會安排她到外地進修跳舞及演戲，她說：「出年我會做一個全能藝人，o靚模留番畀其他新人。」
對於早前袁彌明批評其月曆的甫士並非正常女性會做，Lavina反擊說：「我哋個幕後班底好勁，如果袁小姐有個咁勁嘅班底搵佢，佢都好難拒絕呢個誘惑。而且我哋個出發點係藝術，唔係色情，不過，色情同藝術只係一線之差，好在乎睇嘅人點諗，如果佢思想係色情咪覺得係色情，呢個只係佢個人睇法。」
傅穎錯口爆粗
同樣獲獎的還有模特兒諸葛梓岐（Marie）及傅穎，Marie手上戴着逾三卡鑽戒到場，問到是否男友送時，她默認說：「我冇講過，我唔想攞嚟做新聞。（聖誕禮物？）唔好問我啦，靚咪得囉﹗」提到上次她被汪圓圓搶鏡而向公關詐型，她澄清當時只是講笑，又指自己EQ高，少發脾氣。至於傅穎在台上不慎將「諗」字說成粗口，她尷尬得踎低掩嘴大笑。
文：名人組