陳法拉日前化身聖誕女郎，以一身紅色Tube Dress到金鐘太古廣場提早慶祝聖誕。向來愛錫父母的法拉，除了早前買了一架五十萬元的名貴房車給父親，她透露已買定機票讓父母由美國來港歡度聖誕，而法拉更漏口風會帶男友薛世恒見家長，相當甜到漏。

醜女唔怕做

法拉坦言入行後每年聖誕都是搵錢的時候，甚少陪伴父母，所以今年父母來港令她十分開心，她說：「佢哋第一次喺香港過聖誕，都會帶佢哋周圍去。」問她會否帶男友薛世恒與父母見面？起初法拉也不願多提男友，後來才甜笑說：「都會一齊食餐飯，（叫男友送禮？）唔知會唔會，我諗佢會識做，（父母有冇催婚？）冇喎，自己唔心急，依家以事業為重，感情事不嬲都唔想講太多。」

法拉表示今年台慶頒獎禮「捧蛋」不感失望，寄望明年「收成期」，她說：「明年我有幾部劇，下月又有同任達華合作嘅電影上，希望成績再好啲！（希望『升呢』？）都想㗎，每拍一部再升呢，累積多啲經驗提升自己，（想演咩角色？）咩角色都想嘗試，就算做醜女都唔介意。」

法拉直言目前以事業為重，未有結婚打算。

放大圖片

文：專案組　攝：劉智源　

場地：太古廣場　服裝：金鐘西武