徐子珊睇得開負面當宣傳

徐子珊昨日與高鈞賢出席香港仔中心商場《愛心傳遞聖誕鹿車設計比賽》，子珊對於有報道指她「臭寸、姣仔」，她說未被負面報道影響心情：「我冇睇報道，多謝誇獎，我嘅生活冇佢哋講得咁精彩。（唔開心？）唔緊要，當另類宣傳，等多啲人留意新劇《美麗高解像》都係好事。（字眼好難聽？）我唔介意，都係宣傳嘅一種。」

高鈞賢與子珊合作多次，被問覺不覺子珊姣仔，他說：「可能子珊初出道剪過個男仔頭，個第一印象好深，開頭同佢拍劇，我都以為佢好寸，識落就知佢個人好nice。」

20/12/2009