鄧麗欣昨日為甜品書《心甜Stephy》舉行簽名會，獲大批歌迷到場打氣，她說：「出版商話反應好準備加印，仲話傾再出書。」
鄧麗欣表示不會因擔心重演錯字事件而感壓力，不過就唔敢上網睇反應：「有啲留言好極端，睇完會唔開心有壓力。（好嘅留言都唔睇？）算啦，好少讚。如果有好嘅，同事、朋友同歌迷都會講畀我聽。（唔接受批評？）唔係，如果有人同我講我會聽，啲歌迷好直，會同我講做得唔夠好，自己都會唔開心，不過會諗點解做得唔夠好。」
鄧麗欣謂未有送書予緋聞男友方力申及死敵傅穎，而呼籲大家買書時，竟「倒米」指售九十八元幾貴，其後即補鑊說：「不過喺書展買有折又有嘢送，都值得嘅！」
