本文重點
莊思敏、林莉、湯寶如、張學潤等前晚出席電影晚會，莊思敏坦言自己是戲癡，有新戲就會睇，被問到屋企會唔會布置成電影院？她說：「咁又未，但有需要，因為我之前好誇張追劇，不眠不休咁睇。」繼又踢爆男友吳浩康同樣是劇癡，自己煲劇男友不但不會嬲，還會齊齊煲，但就禁止大家講劇情。
正在物色新公司的莊思敏，表示簽模特兒公司Elite機會較大，被問到城城開公司培訓全能藝人，若簽她會否答應？她說：「佢對我有興趣，我都願意簽。（熊黛林話唔肯簽？）郭富城唱歌跳舞多，我哋做模特兒梗係想簽番模特兒公司。」
林莉拍拖講感覺
同場，擁有五呎十吋高挑身形的林莉，腳踏四吋高跟鞋到場，高人一等，被問到是否對愛情專一，她說：「我依家都冇人追，我諗我係專一，我好老土，唔係現實嘅女仔，我鍾意好浪漫嘅愛情，聖誕節一齊已好開心，緣分同擇偶條件都係講感覺，我都知咁樣唔係咁好。」