近來香港、日本兩邊忙的Baby，本打算聖誕節有假期，便與家人飛去夏威夷過一個熱辣辣聖誕節，她一提起便很雀躍：「平時一有假期，都鍾意去泰國游吓水，享受陽光與海灘，雖然我冇身材，但都唔介意着三點式曬太陽㗎！仲諗住同屋企人喺夏威夷食聖誕火雞，自製一個火雞雪糕，我諗實好好味啫！」

自覺唔夠氣的Angelababy正努力學唱歌練中氣。

Angelababy自創火雞雪糕為聖誕美食。

冇假放扁嘴

未幾Baby即扁扁嘴說：「不過呢個Trip去唔到，因為聖誕冇假放，我要喺日本開工，東京凍過香港，到時我做完嘢都係返宿舍靜靜咁過聖誕節。依家希望農曆新年放到假，可以去旅行同陽光玩遊戲。」

勤力練中氣

Baby雖然「恨」放假，但她還是將工作排在第一位，她透露在日本除了忙模特兒工作，亦要勤練唱功，她說：「日本經理人想我做個全能藝人，明年有機會出唱片，依家係有日本老師教我唱歌，覺得自已唔夠氣，要練好啲中氣至得。」

文：專案組

攝影：司徒國榮

服裝：九龍酒店西武