心悠於加拿大求學時，每逢聖誕前夕，都會慣性把聖誕襪放近窗邊，巧合的是一覺醒來，其心儀禮物便會出現在聖誕襪內，於是性格單純的她竟相信世界上真有聖誕老人存在。直至升上中學後的某年聖誕，從同學口中才知原來一直送她禮物的竟是其寄宿家庭的父母。心悠笑說：「我一直唔覺有問題，因為真係有我鍾意嘅禮物喎！咁我個Homedad每年都要我將想要嘅禮物話佢知，再由佢轉告畀聖誕老人聽，後來雖然知係呃我嘅，不過佢哋都係想我開心。」

禮物非用錢衡量

學成後，心悠重返台灣生活，她坦言兩地的聖誕節不論氣溫及氣氛也相差很多，再加上要賺錢養家，故聖誕節對她來說已變質。問她曾否有過浪漫聖誕？她表示家人在她心中永遠排在首位：「我會同屋企人聚完先再去拍拖，但最多都係去睇場戲。（送禮物？）我唔慣，反而有時聽首歌同我有關，我就會買隻唱片送畀佢。我認為禮物唔係用錢衡量，曾經收過好貴嘅飾物，當時係開心，但心入面會諗，呢個人同我有好大段距離囉！」

真心話賀友結婚

至於今年聖誕，心悠興奮謂將出席一位相識十多年的女性好友婚宴，屆時還會當姊妹團，她說：「今次係第二次做姊妹，朋友要我上台唱歌，但我依家已經好緊張，所以應該會拒絕。我會改上台講大家之間嘅真心話，咁樣應該會好啲嘅。」

採訪：影視組

攝影：司徒國榮

場地：又一城

化妝：Man @ Annie G Chan

髮型：Chris @ IL Colop

服裝：Bread n Butter