對於即將來臨的聖誕節，汀叮及Sarah各有難忘事。汀叮先表示某年有男友相伴，卻不是浪漫地過，她說：「有年同男友加埋成大班朋友一齊去滑雪，雖然我唔識，但男朋友鍾意就陪佢去。點知去到佢竟然叫個唔識滑雪嘅人由最高處滑落嚟，搞到我成隻腳都瘀晒，其實瘀咗已經算係不幸中之大幸。」汀叮坦言自己與一般少女的想法無異，都是希望能與心愛的人吃燭光晚餐，一同分享甜蜜蜜的甜品就已經心滿意足。

放大圖片	Sarah（右）與汀叮以性感裝扮來迎接聖誕。

鬧情緒玩自閉

而身旁的Sarah就直言最難忘的聖誕是獨個兒度過，她扁扁嘴說：「有年聖誕自己鬧情緒，玩自閉，覺得既然單身就決定一個人喺屋企過，點知冇幾耐就好後悔，愈諗愈慘，仲喊咗出嚟，依家自己諗番都覺得幾變態。」

Sarah希望在聖誕派對上能再度中獎。

放大圖片

期待交換禮物

在今年的聖誕，雖然二人異口同聲表示沒有男友甜蜜度過，但她們更期待模特兒公司舉行的聖誕派對。Sarah說：「今年公司亦會繼續開聖誕Party，上年我竟然抽中獎，所以今年都會着番紅色衫，希望再會中獎。」至於一向沒有抽獎運的汀叮表示沒有期望會中獎，但對人人有份的交換禮物環節充滿期待，她說：「上年我抽中公仔人形攬枕，好得意，我今年亦會準備一份搞笑禮物，希望大家可以一齊玩。」

文：專案組

攝影：沈健程

髮型：Alex@P.O.P Hairdressing（Sarah）Looney@P.O.P Hairdressing（汀叮）

服裝：Bread n Butter