早前Louis現身新城電台，宣傳描述昔日通訊科技未如現今發達的新歌《港九情》，他說：「係講兩個好朋友，本來一齊住港島區，之後有一個搬咗去九龍，嗰陣交通同通訊都未咁發達，隔個海好似移民一樣。」雖然現今科技先進，但Louis說：「依家個個人有電話，又可以SMS，不過感覺好疏離。」

避談老婆例遲

Louis憶述小時候無論相約家人與朋友，都必定是約定一個地方「不見不散」，皆因出門口後，就無法再與對方聯絡。問到會否考慮與太太齊齊集體回憶，一嘗不見不散？他說：「依家都差唔多，因為工作上成日聽唔到電話，要返到屋企先見到，不過都可以搵身邊人嘅。如果要試，恐防要等足兩個鐘。」那Kay是否「例遲」？Louis就醒目表示：「呢個問題好危險，不如咁講啦！係我份人比較性急，呢個都係夫妻相處之道，未出得門口，咪搵啲嘢做，陪個仔玩吓囉。」

囝囝日漸長大，張繼聰已有全套計劃與兒子分析報道。（資料圖片）

同樣身為人父，張繼聰明白陳奕迅的感受。（資料圖片）

明白Eason心情

此外，Kay與Eason的緋聞無休止，Eason更因家人受追訪，憤言要退出娛圈，同為人父的Louis了解對方心情。對於囝囝逐漸長大，Louis就言已有全套計劃向囝囝分析報道：「會平心靜氣同佢講，等佢了解父母係從事啲乜，唔可以拍晒枱咁同佢講，都唔想佢憎報道嘅人。」

文：音樂組