阿佘、陳豪、關菊英及謝雪心等繼《宮心計》後再原班人馬合作，拍攝梅小青新劇《公主嫁到》，並有陳法拉、鍾嘉欣、馬國明、李香琴等加入，而鄭嘉穎、楊怡、米雪則沒份演出。

要增肥十磅

在劇中飾演茶煲公主的阿佘與陳豪成一對，鄭嘉穎因冇份演出未能與阿佘續前緣，問阿佘有否感可惜？她說：「佢要開其他劇，都唔可以次次同一班人嘅，下次囉。（下年又同《巾幗梟雄》續集鬥？）係咪出年播都未知，唔諗咁多，專心拍好就算。」另外，有報道指阿佘與C富豪分手而心情欠佳，她笑言：「由頭到尾都唔知係咩事，我冇跟進過，亦冇C富豪。」

謝雪心在《宮心計》中飾演的太皇太后大奸大惡，但今次她就飾演賢良淑德的妃子。見她的造型與《宮心計》中的相似，她就表示兩劇都以唐代為背景，但服飾都是新造的。至於蓄了鬍鬚的陳豪就因未拍完《天與地》仍未能剃鬚，他稍後更要為駙馬一角增肥十磅。

法拉做打女

而新加入的陳法拉在劇中飾演阿佘的近身侍婢，功夫了得，法拉笑說：「舊年我話想做打女，真係開口中，（脫離性感？）打女啱我，我性格男仔頭，今次係露身手，唔使露其他嘢。」

文：影視組