港姐出身的何傲兒（Lily）最近轉型做埋兼職模特兒，除學習提升自我形象外，早前更「升呢」與熊黛林、Angelababy等索模合唱，一齊籌款做善事。
何傲兒除忙於拍攝劇集《畢打自己人》外，還經常與Style Model公司合作，早前有機會與熊黛林、Angelababy等八位當紅模特兒合唱一首歌，並為血癌基金籌款。她說：「覺得好有意義，畀百幾蚊就可以有我哋嘅MV同月曆送添！」
望出唱碟
Lily自言小時候已很喜歡唱歌，如果有機會希望將來可以做歌星，她笑說：「以前參加學校歌唱比賽都有攞獎，又跟老師學過唱歌，如果有機會當然想出唱碟啦！（依家係咪轉型做模特兒？）唔係，我同TVB仲有合約，只係間中幫Kim（Style Model經理人）手，佢教識我好多嘢，例如要提升自己形象，依家連打扮都講究咗，仲經常睇時裝雜誌增值自己。」Lily自覺還有些Baby Fat，所以要積極減肥，她說：「聽人講要減食澱粉質，之前試過都幾work，可惜自己冇恒心，因為我鍾意食嘢，尤其是甜品。」戒食失敗，Lily惟有勤力做運動，現在積極學跳拉丁舞，希望可以在短期內減掉8至10磅贅肉。
等待緣分
另外，聖誕節和元旦將至，問到會否與情人一齊度過，她苦笑說：「拍《畢打》就有男朋友，但現實中好dry呀！未搵到男朋友，要等待緣分。而聖誕節打算同屋企人過，作為一個藝人，更希望可以在工作中度過啦！」
文：專案組
服裝及場地：Fornarina