17/12/2009

播放本新聞相關短片

詩雅索簽名Sherman尷尬

本文重點
鍾舒漫(Sherman)早前推出新碟,由於該專輯是其嘔心瀝血之作,所以難免感到壓力,好友詩雅為安撫Sherman,專程抽空陪她shopping放鬆心情,二人於旺角街頭邊逛邊談心,認真老友鬼鬼!

Sherman和詩雅日前孖住到旺角shopping,身為Sherman好友的詩雅第一時間走入唱片舖,自掏腰包買下對方新碟,之後二人沿着西洋菜街邊走邊傾,雖然被不少市民認出,但她們毫不介意,只自顧地暢談,期間二人入時裝店左揀右揀,惜最後空手而回。

抽空逛街

逛了大半小時,兩女選擇到咖啡店繼續談心,期間詩雅拿出Sherman的新碟讓對方簽名,逗得Sherman開心不已。事後記者致電Sherman,她說:「其實係詩雅約我行街,咁啱有空檔,咪出去開心吓囉!不過我同佢太熟喇,佢話要我簽名喺碟上真係有啲尷尬㗎!」

知心好友

Sherman坦承詩雅是其圈中難得的知心友:「我哋每次都有講唔盡嘅話題,試過夜晚由十點傾到凌晨三點都唔捨得瞓!」她笑言:「佢成日都聽我呻㗎,真係難為咗佢!」而詩雅則表示:「大家唔好睇Sherman平時笑笑口,其實佢對自己要求好高,但內心嘅壓力又冇表現出嚟,所以我成日都同佢傾偈,希望幫佢發洩情緒!」

文:音樂組