跳舞女子組合HotCha忙於宣傳新專輯之際，日前又抽空為代言的攝影器材公司拍攝新廣告，大賣活力提早慶祝聖誕及新年。廣告中，HotCha以巨型三腳架、相機、LCD平面電視等電子產品組合成八呎聖誕樹，盡顯創意，Crystal說：「呢棵聖誕樹係HotCha出品，獨一無二，呢排比較忙，今日難得咁大班人一齊拍廣告，仲慶祝埋新年，一次滿足咗好多願望！」
面對「潮版」聖誕樹，Winkie笑言：「最好可以帶返屋企，同朋友、屋企人分享，Boxing Day嗰日將佢變身做『搖禮物樹』，咁就真係『聖誕快樂』喇！」
雖然拍攝了廿多小時，但HotCha依然精神抖擻，還炮製巨型「潮版」桃花樹，Regen說：「桃花除咗代表愛情，都代表人緣，所以對於藝人好重要，梗係希望愈多愈好啦。」