Bosco早前分別與官恩娜及鍾嘉欣到芝加哥及拉斯維加斯登台，除了有美同行兼搵到真銀外，Bosco更有重大收穫，在拉斯維加斯登台的後台，竟有幸巧遇受人推崇的白龍王，且獲對方主動贈言，Bosco說：「我都好驚訝佢主動同我講嘢，真係有啲受寵若驚，（佢話你咩？）佢話我呢兩年會好好，叫我繼續努力，（令你更有信心？）都要自己做嘅，正所謂要割禾都要彎腰，都要做，唔會坐喺度就發達。」

黃宗澤獲白龍王（中）主動祝福，顯得受寵若驚。	黃宗澤在拉斯維加斯擁有強勁的號召力。	與官恩娜同台演出，黃宗澤笑言是有美相伴。

釋放正能量

Bosco明年的工作已排到年中，問到這兩年是否播種期，他立即更正：「要播種播到四、五十歲，女仔就話可以三十歲嫁人。」回顧今年，Bosco覺得成績中規中矩，因為有一半時間都在外地工作，可幸在外邊得到的反應都算熱烈，令他「老懷安慰」，而Bosco展望明年會多拍劇集，而且在唱歌方面作新嘗試：「我想製作一首令人開心嘅歌，依家香港喺呢個金融海嘯、豬流感時期，好多負能量，我希望有首歌同香港人一齊開心啲。」 文：影視組