南華中鋒陳肇麒（陳七）早前與李綺雯（o靚妹）及女友Natalie鬧三角戀，最後情歸Natalie。陳七昨在活動上揚言是專一之人，以後也會避免與o靚妹合作，更稱要顧及女友感受；未知o靚妹看後又有何感受？
香港足球代表隊昨日出席《香港足球代表隊勇奪東亞運動會冠軍祝捷會＠海港城》慶祝活動，近期緋聞纏身的陳七成為焦點，自從與o靚妹親熱照在facebook曝光後，二人感情即無疾而終，陳七最後情歸女友Natalie。
對於傳被女友強迫刪除facebook的相片及情慾短訊，陳七昨日否認其事：「唔係佢叫，係自己delete，總之冇同佢（o靚妹）一齊就自己cut咗。（做個專一男友？）不嬲都係。（點解會有o靚妹出現？）我同女友分開咗，先同o靚妹一齊，之後同o靚妹分開咗，再同女友一齊。」
老闆叫專心踢波
問陳七會否為免麻煩而不敢同圈中人拍拖時，他說：「總之依家同女友一齊好開心。」被問到無綫有意找他在慈善節目中唱歌，陳七表示不知情，而若同o靚妹合作他會否願意？他說：「唔好啦，我都要維護依家女友，尊重番佢。（會否結婚沖喜？）冇咁快。」另外，陳七又表示不介意早前林海峰在電台節目中對他的批評，因對方並沒惡意。他亦稱老闆羅傑承沒有責怪他鬧出的緋聞事件：「佢之前講過後生仔拍拖好正常，總之叫我專心踢波。」
陳貝兒讚有魅力
同場的陳貝兒表示港隊奪冠當日身在台灣，但看重播後也感動得流淚，並讚陳七有吸引力，大撐對方說：「拍拖好正常，踢波時踢波，遊戲時遊戲。佢有好多女fans支持，又高大，有份攝人魅力。」另外，姚予晴（Mikki）與Rosemary負責送上禮物給港隊，對於陳七的緋聞，Mikki說：「事實上好多優秀運動員，感情生活都唔簡單，如果可以同佢哋球場上成正比就最好。」而Rosemary則不評論對方是否花心，她說：「每人都有權利做鍾意做嘅嘢。」
文：名人組