為了應付下月的演唱會，江若琳（Elanne）自設地獄減肥餐單，傍晚六時後不進食，實行了兩星期便奏效，現已成功減了八磅，但她不是太開心，因演唱會令她壓力很大，笑言希望出走一日去玩來紓緩。
Elanne昨日與一班小朋友出席在海港城舉行以「海洋公園魔幻聖誕2009」呈獻的主題「巨幻３D立體圖」宣傳活動。她在立體圖案上大擺甫士，主題人物出現眼前，令她忽發奇想，要出走一天去海洋公園玩，藉以紓緩因為籌備演唱會而帶來之沉重壓力。
媽咪補品增體力
Elanne說：「我已經三、四年無去嗰度玩，我好想十二月放一日假去玩，或者去澳門食吓嘢都好，一日就夠，（最近忙演唱會？）係呀，如火如荼，好大壓力，搞到我發噩夢，好辛苦，我日日做Gym，進行緊自度嘅地獄減肥，就是傍晚六點後唔食嘢，開始咗兩星期，瘦咗八磅，（唔食嘢排舞咪腳軟？）媽咪煲冬蟲草補品畀我食，吸收營養，身體都OK。」
自製朱古力慰勞
聖誕節Elanne雖然忙為演唱會綵排，但她亦明白身邊不少同事同樣辛苦，所以，今個節日，她想自製朱古力作為聖誕禮物答謝他們。不過，最搞笑是Elanne從未整過朱古力，而她正在減肥中，根本未能試食，整朱古力只為了減壓。她笑說：「我雖然冇得試食，但我享受過程，都係紓緩壓力嘅一種方法，咁咪可以分散一下注意力囉！不過，我估佢哋（工作人員）都開心嘅。」
文：影視組