胡杏兒昨日到新城電台接受訪問，對於有指她在音樂會上不慎「飛釘」，杏兒急忙澄清：「唔係呀，我着嗰件打底衫有啲窩釘，只係『飛窩釘』咋，我好肯定，亦好安全！」杏兒亦否認音樂會是跟緋聞男友黃宗澤預演婚禮，她說：「黐線啦，梗係唔係啦！（戀情浮面？）冇呀！（愛情事業兩得意？）邊度係啫，最緊要事業得意！」記者指有愛情才有原動力？杏兒即冧爆說：「都係嘅，好多人扶持我！（黃宗澤係其中一個？）佢咁撐我都係嘅！」