阿嬌自休息了一段日子後，早前陸續恢復工作，拍廣告、舞台劇等，反應相當之好，日前她更開始拍攝電影的工作，接拍由杜汶澤監製的電影《前度》，戲中，她與陳偉霆、詩雅等有不少對手戲，三人關係錯綜複雜，早前周俊偉以及一眾演員等聚集一起為《前》片作圍讀，阿澤大讚阿嬌狀態十足，他表示：「佢需要休息嘅時間已經足夠，個人準備好晒，狀態相當之好！」

阿嬌與周俊偉認真地研究新片劇本。

陳偉霆、詩雅亦有份演出。

詩雅演技超想像

阿澤指除了阿嬌之外，詩雅亦給了他一個驚喜，阿澤表示：「因為我需要一個細過阿嬌而又做到內心戲嘅女仔，初初真係搵唔到，到最後搵到詩雅，覺得佢真係好適合套戲，呢兩日圍讀，佢要試一段苦情內心戲，原本我認為呢啲戲，係需要有啲人生經驗嘅人先會演到，但估唔到詩雅都做到，有工作人員仲畀佢嘅演技感動到眼濕濕添！」

陳偉霆床戲配合

記者問阿澤，於新戲內會否有一些床上戲，他笑言：「呢啲都會有嘅，但激烈同內容就要賣關子。不過，我就床上戲嘅嘢，都有問過陳偉霆，佢話好樂意配合同一定會盡力而為喎！」

文：影視組