無綫似乎對四間唱片公司組成HKRIA並收取昂貴歌曲版稅進行「反封殺」行動，四間唱片公司歌手分分鐘「絕迹」無綫，相反最有利的，可能是一班做了歌手的無綫「親生仔」，當中包括林峯、鍾嘉欣、徐子珊等。
鍾嘉欣：「希望大家以和為貴，事情盡快得以解決，真係唔清楚發生咩事，但相信每個歌手都想喺頒獎禮有公平機會，（會唔會播多啲你嘅歌有着數？）我自己就冇競爭心，只係抱住做好每份工作嘅心態，點播點做由公司安排。」
徐子珊：「唔覺得會有甚麼特別着數，都要睇番係咪宣傳期，如果過咗都唔會攞番啲歌出嚟播啦！不過大家都係為件事好，希望快啲解決。」
林峯：「呢啲係唱片公司同電視台嘅事，自己唔清楚政策上嘅嘢，唔方便畀意見，但身為藝人同歌手，都係被動嘅，呢啲嘢都係由公司處理，至於獎項唔會諗太多，做好本分先。」