劉欣宜（E Cup Baby）與同公司的李蘊前晚齊齊為工展會開幕擔任表演嘉賓。稍後將推出唱片的E Cup Baby又唱又跳，然表現一般，事後她不諱言心情緊張。
肉感驚心臟病
談到「宿敵」Lavina（鍾蕙芝）及Rainbow（胡心諾）推出超性感月曆，E Cup Baby表示「略有所聞」，問她有否膽量效法？她即說：「梗係唔會，我血壓低，驚住心臟病發呀，之前我都推咗好多泳衣show，就算接都着住熱褲。其實性感有好多種，我接受唔到自己太肉感囉。」
o靚模周凱盈（Monique）涉毒案，Lavina及Rainbow即與她劃清界線，E Cup Baby聞言笑說：「佢哋咁friend，會唔會喺記者面前講吓咋？係人都會做錯，呢個時候好需要有朋友同家人喺身邊支持Monique，咁呢件事可以令佢睇清楚邊個係真正朋友囉！」說時她更攬着李蘊，揚言對方是其好姊妹。
搞比堅尼慶功
另方面，Lavina及Rainbow則現身旺角，與肌肉男一併為新月曆宣傳造勢，吸引數十途人圍觀，Lavina坦言不擔心遭胸襲，並大讚香港人有禮。Rainbow說倘若月曆銷售情況成功，會舉行比堅尼派對慶祝，稍後還會推出相關產品，她又說與Monique以短訊聯絡，目前應該給予對方私人空間。
文：影視組