無綫大型籌款節目《歡樂滿東華2009》前晚順利完成，雖然共籌得85,833,333善款，打破去年紀錄，不過今年表演項目相當平淡，毫無驚險可言，而在各表演項目之中，只有官恩娜與羅仲謙的「滾滾黃金轆」較為有難度。

Ella表演前已不斷在露天停車場苦練，期間巧遇剛在東亞運足球賽中奪金的香港足球代表隊，足球隊員見Ella踩單車，即在旁起哄歡呼，Ella聞言就鬼馬反問：「你哋係踢咩㗎！」認真有眼不識泰山。

陳七柴九喜相逢

事後問到Ella是否唔認得香港足球隊？她死撐謂：「唔係呀，我踩緊單車，佢哋突然歡呼，雖然我平時好男仔頭，但係佢哋十幾個男仔喺度叫，我都唔知講乜，我都有少少矜持，突然好亂，咪問佢哋踢乜，之後我都有恭喜佢哋為港爭光。」Ella又透露為今次演出苦練了一個月，期間跌到周身瘀。

另外，足球隊又遇見黎耀祥，即大叫祥仔做「柴九」，又高呼祥仔名句「人生有幾多個十年」，當中陳肇麒（陳七）更上前跟對方合照。問到陳七有否與過氣緋聞女友李綺雯聯絡？他聞言即謂：「吓！朋友囉！」而他又表示正印女友有到場看他踢波，但未知會點慶祝得獎。

「陳七」（右）遇「柴九」惺惺相識。	4anda台前唱歌時，阿姐在鏡頭後跟住跳，甚為有趣。	陳法拉與庾澄慶表演的歌舞十分有睇頭。

阿姐「身痕」狂跳

此外，緋聞男女洪天明、周家蔚前晚成為被玩對象，梅小惠更以洪生、洪太稱呼二人。而汪明荃就愈夜愈精神，當四人組合4anda台前唱歌時，阿姐竟「身痕」在鏡頭後手舞足蹈跟住跳，相反曾志偉在節目途中突然離開為電影《72家租客》趕拍。而陳法拉與庾澄慶表演的歌舞亦十分有睇頭。

採訪：影視組