基仔昨日出席在沙田馬場舉行的「國泰航空香港國際賽事2009」，他穿西裝打煲呔，以古Sir Look擔任表演嘉賓。當他站在高爾夫球車出場時，因顧着和現場觀眾握手及揮手，竟連首本名曲《愛與誠》也忘記了兩句歌詞。

待基仔演繹完三首歌後，緊貼基仔的攝影師竟發生「車禍」，其兩輪車「人傾車翻」倒地，目擊整個意外的基仔也感愕然，即趨前慰問受傷的工作人員。

基仔重提意外發生，他說：「佢（攝影師）掛住影我，我見到佢畀個喇叭絆倒失咗平衡，好在佢冇事。」至於他忘記歌詞，基仔坦承：「一句歌詞唱咗兩次，我顧住同啲觀眾揮手，我想唱live時可以互動啲。」

童子口助父贏馬

基仔曾多次在馬場演出，但為國際賽事獻唱還屬首趟。問基仔可有趁機投注？基仔笑言：「唔識買喎，我爸爸就有買吓，記得以前細個阿爸最鍾意搵啲唔識嘅人講號數嚟買馬，話『童子口』特別易中，都中過㗎！」

講到劉翔來港，基仔遺憾未能帶他食咖喱魚蛋，基仔笑言：「佢原來好鍾意食咖喱魚蛋，聽到佢已經雙眼發光。」他可有抱怨香港傳媒追得太緊？基仔謂：「咁又冇喎，佢話啲傳媒對佢好有禮貌。」

文：音樂組