昨日高海寧於會展擔任模特兒行婚紗騷，在同台的幾位model中以她身材最突出，由她演繹的多件婚紗和晚裝，有部分都比較性感。其中一件火紅色吊帶低胸晚裝就最有睇頭，大騷其逼爆上圍，近看之下更疑似凸點。

完騷後被問到凸點疑雲一事，高海寧即看看胸前位置，之後淡定地說：「哦，呢度係車線位嚟，我打晒底，冇可能凸點嘅，而且做足安全措施行起騷嚟都會自信啲。」至於可會對婚姻有憧憬？她說：「婚姻依家對我嚟講仲係好遙遠嘅事，我會先專注工作。（你嘅夢想婚禮係點？）我無諗到咁遠，但我個人比較傳統，可能會行教堂或者去海邊浪漫啲。」

高海寧首次行婚紗騷，盡展其豐滿身材。

模特兒穿上婚紗穿梭天橋，目不暇給。

莊思敏「搞」婚禮

她透露稍後將與堪輿學家蘇民峰合作一套新劇，她說：「蘇師傅做阿Sir，我哋就好似一班學生咁，有啲似哈利波特，不過我哋係講中國文化。（會唔會跟蘇師傅偷師？）會，仲會請佢贈我兩句。」

另外，同場為另一品牌行騷的莊思敏就表示準備開辦一間wedding planner的公司，而男友吳浩康對她的計劃亦很有興趣，也可為婚禮配上音樂，有意共同經營。

文：名人組