鏹水彈狂徒又再出動，人心惶惶！趙碩之、陳若嵐（Melody）、戴夢夢及劉欣宜昨日為出席活動，膽戰心驚現身旺角鏹水彈高危地帶，公司為保旗下藝人安全，特意搭建帳篷以供她們不用出台時「避難」。
昨日趙碩之、陳若嵐、戴夢夢及劉欣宜等出席於旺角行人專用區舉行的「第三屆星際城市攝影比賽頒獎禮活動」，由於現場曾發生空襲鏹水彈事件，加上有數百名市民圍觀逼得水洩不通，所以大會嚴陣以待，安排大量保安在場維持秩序及守候外，更搭建了一個帳篷給嘉賓以防鏹水彈。而趙碩之為防「胸難」，每當不用出台，即躲在帳篷。
留意揸膠樽路人
為令旗下藝人安心演出，老闆林建名也親自到場，並說不怕有危險：「我對香港政府有信心！（係咪你叫大會安排帳篷？）係特登叫佢哋整，注意安全都應該。」戴夢夢直言老闆到場感到驚喜：「我嚟時都驚，用隻手放喺額頭，有咩事都係彈到隻手好過整親塊面，嗰啲人簡直係人渣！浪費警力！」
自言也心驚驚的趙碩之，說會特別留意拿着膠樽的路人，更自爆前日獨自去銅鑼灣睇戲，幸而無事，大呼抹一把汗！劉欣宜接受電話訪問時，直言通宵在家找帽子，以避鏹水彈：「係全屋最大頂，可以遮面同個胸！」
Yumi盲腸炎入院
另外，尹蓁晞（Yumi）本要出席活動，但因急性盲腸炎而缺席，改由Melody頂上。對於Yumi再被拍得在公園拍拖，戴夢夢和Melody笑說：「不嬲都叫佢做『公主』，依家有另一意思，係公園個公，我哋笑佢唔好再去公園！」林建名則說會叫Yumi小心點，問到是否難教。他說：「可能佢太後生，太純情。」經理人Angus接受電話訪問，表示Yumi於前日凌晨在男友及父母陪同下到法國醫院求醫，並接受微創手術留院一晚，昨日便出院返家休息。
採訪：名人組