方中信貴為影帝，但昨日出席活動時，卻大呻近日被出爐金馬影帝張家輝風頭盡蓋，令其處於零工作狀態，慘成失業一族，笑指願意紆尊降貴任對方替身賺取生活費。
名錶氹老婆
方中信、莫可欣、錢嘉樂、鮑起靜、霍震霆、姚嘉妮、江美儀等昨日出席「體操王子」李寧於香港首家羽毛球店開幕典禮，剛當完「湊仔公」接囡囡放學返家的方中信，透露雙親將於聖誕節來港，故今年將不會出埠旅行，更已率先送了禮物給太太，他謂：「隻錶幾十萬，成年Quota，之後真係要節衣縮食，依家玩車都只係玩電單車，幾十萬平啲嘛。（好唔安全喎！）一把年紀唔會開快車啦。」
靠積蓄過活
對於金馬影帝張家輝近期成為風頭躉，方中信聞言後即抵死地謂：「係啦！畀佢搶晒工作，好在有少少積蓄，都夠食，或者幫佢做吓替身都OK㗎！」 文：影視組