關楚耀（Kelvin）自爆出搭上台灣G模Mika後，一直避見傳媒沒有公開露面。適逢大前晚環球舉行晒冷音樂會，身為環球旗下的Kelvin亦有低調撐場。頭戴冷帽及外套的Kelvin在兩名公司同事及一名記者陪同下睇騷，久未露面的他對鏡頭極之敏感，望住鏡頭笑之餘兼動作多多，i頭又超大動作拍手，該鏡頭長達超過十秒。
謝安琪讚乖仔
前晚譚詠麟在無綫《娛樂頭條》節目中談到契仔Kelvin捧場，阿倫抵死說：「佢唔係支持，係嚟做嘢同我拎衫、挽鞋，做幕後工作人員由低做起，等佢恨吓冇得上台嘅滋味。」謝安琪則說：「見番佢好開心，佢好乖，成日練結他同寫歌。」據知當晚環球只秘密知會無綫Kelvin到場，對其他平面傳媒採訪則諸多阻攔，炮轟環球「大細超」。
孫耀威撐環球
另外，昨日孫耀威（老孫）出席商場聖誕亮燈活動，他覺得聖誕充滿浪漫氣氛，今年會跟家人度佳節，但就未打算相約緋聞女友陳美詩。對於好友關楚耀低調出席音樂會，他說：「我都係嗰日先知佢嚟。」有指環球安排欠妥當，老孫為環球說好話：「我諗公司有苦衷，唔係要將Kelvin刻意低調，公司都希望佢執靚仔啲，以煥然一新出現，而唔係無所事事亮相，始終佢都有包袱，要畀人知佢有上進心，等大家都支持佢。」
文：音樂組