該法國貴族成年舞會超過二百年歷史，是法國每年一度的盛事，今年同場的24名名門之後，當中包括有名導演奇連伊士活和金像影帝科華士韋德加的千金，擁有東方面孔的Ariel同樣惹人注目。剛出席完舞會的何超賢（Angela）和夫婿Peter十分盡興，她說：「睇見Ariel着住Christian Dior高級訂造服晚裝行出嚟，戴住Adler珠寶跳華爾茲，現場的父母都跟住跳，好好玩。」

性格男仔頭

上月滿16歲的Ariel中文名叫何家晴，長髮加標準身材，外表很女孩子，性格卻是男仔頭，Angela說：「Ariel依家喺瑞士讀high school，以前佢好男仔頭，又唔貪靚，希望佢以後都唔好咁男仔頭！呢個舞會對出席嘅女仔挑選好嚴格，又要高，又要靚，又要有家底，個女仔有錢但唔靚都唔畀去。Ariel係何家第一個獲邀請出席者。（賭王知否Ariel出席舞會？）佢知，仲好開心，嗰時仲未撞傷個頭，仲話一齊去，Ariel着Dior晚裝都係Daddy同Dior老闆係好友之故。」她稱稍後會和女兒返港探望賭王。

文：名人組