前晚，Elanne身穿短裙到旺角鬧市為新歌《SHOW YOU》舉行簽名會，吸引近百歌迷手持偶像名牌到場支持，期間一名身材略為肥胖的男歌迷突然上前，並遞了一張新碟給Elanne簽名，該男歌迷身上更穿着跟Elanne新碟內同款同色的Ｔ恤及外套，不過由於肚腩過大，所以Ｔ恤上的哈哈笑亦變晒形，Elanne見狀亦忍不住掩嘴大笑，事後她表示：「呢位係我忠實歌迷，佢今日真係好勁、好搞笑，見到佢着成咁，真係好驚喜！」

男歌迷穿上江若琳同款的打歌服來打氣，令現場充滿笑料。

放大圖片

不怕場面亂

記者提議該男歌迷為Elanne的「處女個唱」擔任伴舞，她聞言即表示：「OK喎，可以諗吓，我估佢實OK，佢好支持我㗎！」而Elanne亦透露有不少歌迷投訴買不到其新碟，故專程舉行簽名會，讓歌迷可以一次過購買兼獲得其簽名，問她可擔心造成混亂？Elanne說：「唔怕，我啲歌迷好乖，而且我每次嚟親啲多人地方，佢哋都會自動自覺將我包圍起嚟，唔畀其他人埋我身！」

江若琳被歌迷的舉動嚇得掩嘴大笑。

江若琳旺角出巡，吸引了逾百歌迷撐場。

簽名半粒鐘

另外，Elanne為了應付近百位排隊的歌迷，即場使出「摩打手」逐一為歌迷簽名，最後以半小時成功為百名歌迷簽名，事後她表示：「真係簽到手軟呀，不過見到大家咁支持我都冇計啦，希望隻碟繼續大賣，我簽多幾個鐘都冇問題！」

採訪：音樂組