袁詠儀（靚靚）前晚穿上黑色低胸晚裝到尖沙咀1881出席《Tiffany冬日花園開幕禮》，佩戴了Tiffany價值三百餘萬耳環、頸鏈、戒指、手鏈的靚靚，不惜出口術叫老公張智霖聖誕一定要識做。
靚靚為求得到心頭愛，隔空向張智霖表示：「對耳環幾襯我面形，我唔貪心，頸鏈、戒指、手鏈出年再送。我生仔前我先生好慷慨，唔知點解我生仔後佢忽略咗。（你送乜畀老公？）我照顧到個仔咁妥善，等佢唔使擔心，仲唔係最大禮物！（送火鍋湯底畀你老公？）唔使。（呢排郭富城有着落，唔使你老公陪？）我唔知，我唔答得。」
而張智霖日前推出新專輯，昨日一臉倦容出席電台訪問，透露將舉行簽唱會。問到老婆袁詠儀會否買碟支持？他說：「有，佢仲送咗畀張學友聽，希望學友聽完畀啲意見。」