熊黛林（Lynn）昨日和王敏德出席昂坪360活動，為豪華貴賓車廂揭幕。對於早前被拍得與城城打邊爐，Lynn甜笑回應：「嗰日冇人同我食飯，所以搵佢陪。（佢隨傳隨到？）唔覺呀，食飯最好唔好一個人。」問到是否擔心城城fans不滿而拒公開戀情時，她說：「唔係，冇咁嚴重，亦冇咁複雜。（遇過城城fans未？）我唔知邊啲係喎。（怒睥你嗰啲？）做乜要睥我呀？」
Lynn又稱若有人向她求婚，對方必須要跪地、帶備戒指與鮮花。她說：「一隻腳跪就得，兩隻腳跪就似認錯。」早前Amanda S.指城城不夠高，Lynn力撐：「唔一定要睇身高，佢事業同人品好已經好夠。」
