「親生女」佘詩曼在鏡頭前、同事簇擁下揚言拿「視后」有十成信心，結果鎩羽而回，而她不但未能成「視后」，即使在「我最喜愛的電視女角色」破格有兩個提名，依然空手而回，與其緋聞男友鄭嘉穎同樣食白果。
事實上《宮心計》雖有五十點爆燈收視，且是今年最高收視劇集，但最終只憑「姚金鈴」靠楊怡得一個「我最喜愛的電視女角色」獎攞個尾彩。
食白果的阿佘賽後依然表現開心，她坦言沒有失望：「個個都係實至名歸，自己都好開心。（《宮心計》成績差？）楊怡係代表，我對賽果好滿意，出年再嚟過囉。（會唔會慶祝？）已經錫咗阿怡啦，睇佢請唔請我食飯囉，其實我反而失望《宮心計》攞唔到最佳劇集。」
