雖然賽前有指鄧萃雯會因為被傳不和的無綫高層樂易玲力撐佘詩曼，而令雯女繼04年後再一次倒灶，但雯女昨晚得獎後亦有多謝樂小姐，打破傳言，她說：「多謝咁多同事，好開心，多謝TVB、評委、陳志雲、樂易玲，多謝曾勵珍畀好多難得嘅角色我演，信得過我。每次頒獎禮都有好多傳言，我想講TVB唔使我簽好長嘅約，但每年都畀好戲我做，呢樣先最開心，多謝支持我嘅朋友、網友，恐嚇會去遊行嘅觀眾，多謝監製唔怕我煩成日問點解，多謝添哥好劇本，佢係首次用我，多謝一眾編劇。」

雯女平靜致謝

雯女在後台講述得獎感受時同樣平靜，她說：「好開心，個心想攞嘅獎全部攞晒，劇集同添哥都有獎。今晚《巾》劇女演員着白色，男演員着黑色，冇夾過，好奇妙，感謝主！」四奶奶得獎後，網民即時在網上高呼：「四奶奶萬歲」。

憑柴九成三料視帝的黎耀祥，先與雯女擁抱才上台領獎，他說：「好緊張，多謝TVB、老闆，提供平台畀我哋呢啲演員發夢，入行咁耐冇奢望有咁嘅成績，多謝所有同事。多謝陳志雲，你嘅讚賞係一種鼓勵，我要澄清樂小姐從來冇逼我簽約。多謝珍姐當年搵我返TVB，佢話：『返嚟做番戲』，其實我一直做緊戲，不過冇乜人睇，如冇你我冇今日。我希望將所有榮譽同我生命中三個最重要嘅人分享：媽咪、太太同埋個仔。」

《宮心計》女主角楊怡只能憑姚金鈴一角贏得「我最喜愛的電視女角色」及「最佳表現大獎」的個人獎項，似有分豬肉之嫌，楊怡在台上激動落淚，她說：「我未ready好講咩，佘詩曼話我攞獎會錫我一啖，佢爭我一啖。」佘詩曼聞言即起身離座趨前送吻。

鄧萃雯領獎後贏盡歡呼，並與黎耀祥擁抱。

黎耀祥榮升視帝獲全場鼓掌祝賀。

楊怡激動喊叫

楊怡在後台仍激動得時喊時狂呼，她說：「好意外，估唔到，好想攞呢個獎，證明得到認同，我首次做奸角，呢個獎特別有意義，開心轉型得到肯定，我恨攞女主角，但都睇好雯女。」

至於最佳男女配角則由「Laughing哥」謝天華及「大奶奶」謝雪心囊括。另外，陳茵媺、敖嘉年分別大熱成為「飛躍女藝員」及「飛躍男藝員」。

謝天華憑Laughing哥名利雙收，與謝雪心奪最佳配角。	敖嘉年	陳茵媺

文：影視組