昨日Baby、熊黛林（Lynn）及鄭嘉穎擔任周大福企業集團最新商場「活力」開幕的剪綵嘉賓。Baby表示這兩個月不停飛日本與大陸，留港時間只得一、兩日，而且工作排得密麻麻。問她有否與上星期生日的William慶祝時，Baby即露出一副無奈表情，十分冷淡地說：「我哋好耐冇見，因為真係好多嘢做，冇時間，就算返香港都係日日開工。」

為工作犧牲感情

Baby自稱非常忙碌，沒有時間致電祝賀William，但就有send生日短訊。她說：「始終識咗咁多年。（禮物係咪有拖冇欠？）有時間先，好多朋友生日都冇買禮物。」問到兩人是否暫時分開？她說：「我哋一直保持朋友關係，但傾少咗好多電話。（覺唔覺因工作而犧牲咗感情？）都係，成日唔喺香港，感情順其自然。（點解咁冷淡？）一直都係咁。」

問到聖誕節如何度過時，Baby稱會在日本工作。她說：「唔覺孤單，可以專心工作。（想唔想同男友過？）如果我有，我都想，都唔知有冇時間去想。（可能佢會畀驚喜你。）應該唔會。（佢可能飛過去探你。）唔好，費事畀人誤會！」

熊黛林自稱早已迷上城城。	熊黛林小心翼翼為師妹Baby整理服飾。	鄭嘉穎昨日亦有出席活動。

黛林迷城足十年

同場的Lynn則大晒恩愛，表示一定會去看郭富城主演的《風雲Ⅱ》，更會請朋友一齊睇。Lynn自稱十年前已看了第一集《風雲》，很期待第二集出現。問到是否十年前睇戲時已迷上城城？她說：「唔係因為電影，佢之前出碟已有聽過佢啲歌。（城城同依家有乜分別？）成熟咗，樣冇乜變。（十年後一齊係咪好意外？）都幾意外，亦意外自己會喺香港。」她又稱不會與城城一齊睇戲：「一齊去睇就唔係睇戲，而係啲人睇我哋。」 另外，Lynn將赴台灣出席金馬獎典禮，擔任頒獎嘉賓。

文：名人組