宣萱向來感情低調，多年前與牙醫男友分手後，一直都未有着落，早前，有指她認識了富商男友，更入住半山豪宅，不過宣萱就照例否認，又指父母從來沒有向她催婚，她坦言：「佢哋想抱孫，不過我幫唔到，呢啲嘢隨緣啦！」
拍拖潛水
不過，正在蜜運的她可能心情大好，於無綫節目《今日VIP》中接受梁奕倫訪問時，被問到有關感情事時，竟不諱言正與一名外籍男友拍拖，據知錄影時，其男友都有在場，但就沒有出鏡。節目中她謂：「我十八歲就第一次拍拖，已經認定嗰個就係老公，每次拍拖我都好認真，希望嗰個係真命天子。」近年喜歡潛水的她被問到會否與男友一起玩時，她甜笑謂：「佢都有潛嘅！」主持再問向來喜歡尋求刺激的她，會否對愛情都是敢愛敢恨，她坦言：「我會驚㗎！啲人睇我好似好Strong，但其實我係幾易受傷。」梁奕倫笑謂：「今次應該好㗎嘞。」宣萱即謂：「希望啦！」
認識四年
宣萱在接受電話訪問時，坦言與圈外男友已認識四年，之前有機會大家吃飯，因而「撻着」，問她會否因是藝人而少時間陪對方，她開心的謂：「我哋拍咗個幾月，佢喺香港做嘢、喺香港住，而且一識我已知我係做呢行，大家都好明白。（係咪第一次同外籍人拍拖？）以前都試過，（係咪同外籍人特別合得嚟？）唔一定，都要睇啱唔啱，Click唔Click到！」
文：影視組