在《全英一叮》一鳴驚人的Susan，一曲《I Dreamed A Dream》振奮全球人心，頓成焦點，最後卻因比賽大熱倒灶及輿論壓力，令她要入療養院休息。回想當初為何參加比賽，Susan坦言是因為她在母親臨死前曾許下承諾要唱出一番作為，所以才報名。她回憶道：「我去參賽地點時不停搭錯巴士，結果搭咗六次先到，每個人見到我都問我係咪肯定想上台唱，最後我得到全場站立拍掌，之後返到屋企依然興奮！」

不快童年

當時初登舞台的Susan頭髮蓬鬆、衣着過時，她說：「我穿着出席哥哥婚禮時買的裙，當時認為好靚，可以畀人好印象，唔知最後有冇，初時我都有諗過着些路迪波衫去引人注意，但家人話我咁着就同我斷絕關係。」她更指由清貧背景出身，經過一班團隊幫忙後來個變靚大翻身，令她感覺猶如灰姑娘一樣。

不說不知，這個灰姑娘其實有個不快的童年，Susan提起小時經常被欺凌，又因患有學習障礙而被老師體罰，她猶有餘悸表示：「冇嘢慘過有人在你身上操控大權而你又避唔過，佢哋會打我，想整喊我。」

恨有牌匾

現在Susan終於達成夢想推出首張大碟，第一次踏入錄音室時，見到牆上歌手的金唱片牌匾，她便對自己講「如果錄得好，你一樣可以有牌匾」。新碟中，她翻唱了滾石樂隊的《Wild Horses》，她亦表示非常驚訝這首搖滾歌能適合其歌聲。提到翻唱麥當娜的《You'll See》，原來她從該曲找到共鳴：「首歌講要證明你係個獨立女性、係果斷的女人，所以一聽就很喜歡！」

自認「未被咀過」的她，成名後得到很多人的愛與支持，她甚至表示：「現在有人約會我，不過依家太忙啦，唔會諗拍拖！」

文：外娛組