陶大宇自十八、九歲便愛上打桌球，加入無綫藝員訓練班後，便疏於練習，「放低」桌球已十多年，直至五、六年前，他才重拾Q棍，經過一班桌球發燒友的「培訓」，大宇的球技成為球會的領軍，因而代表出戰公開賽，並贏得總冠軍，總算有所交代。

跟傅家俊切磋

大宇今次面對的「高手」，雖然全都是業餘球員，不過，他們在波枱上的發揮，絕不欺場。論大宇在桌球壇上的「戰績」，據討論區上的發燒友稱，大宇雖非最好波，但可以贏到好多人，更曾經跟香港首席桌球手傅家俊切磋球技，娛樂圈中未逢敵手，今次贏出，屬意料中事。

三千蚊訂Q棍

對一班同道中人的說話，大宇認為太誇獎了，他說：「其實今次對手都好強，我喺球會屬『中班』，跟對手比賽，大家互讓唔超過七分，六場中經過五盤三勝而贏出，都唔容易，（發揮得好嗎？）臨場發揮好講當時心情，又有唔同嘅壓力，不過，比賽係經驗累積番嚟，（過往練波試過幾多分？）我試過一Q打七十幾分，（跟Q棍有關嗎？）Q棍係外國製造，對亞洲人嚟講可能過長及過重，打起上嚟當然會影響發揮，我早兩年花咗三千幾蚊，訂咗一支私家Q，仲刻咗自己個名上去，貪得意，（偶像係邊位？）當然係世界冠軍奧蘇里雲啦。」

文：影視組

圖片：Cue&Cue桌球會