早前因為聲帶勞損引起失聲疑雲的王菀之（Ivana），經過小休幾天後又再為新碟開工，日前於新界郊區為《小團圓》拍MV，故事講述她「盛裝」與二十幾位親友出席喪禮，戴着巨型帽子的她傷感地演出。

影響情緒

鏡頭前表情哀怨，但鏡頭後的Ivana表情更加痛苦，她說：「因為頂帽好似3000磅咁重，右邊耳仔好似粉碎咗咁傷，加上為配合導演要求，我要側側頭扮沉思，條頸好痛！」

除了受帽子千斤墜，Ivana還被蚊子狙擊，她說：「我全身已經貼咗四十多塊防蚊貼，終於將蚊瘌數目減到六十五個，好痕好想𢱑，但怕𢱑到一身傷痕，好痛苦。」蚊子不但令Ivana傷痕纍纍，還影響拍攝，她說：「因為太多蚊，影響到我投入傷感嘅情緒，最恐怖係啲蚊飛入口，好似食到蚊呀！」

ＭＶ講述出席喪禮，王菀之即交出哀傷神情。

王菀之笑言頭飾像重達三千磅，右耳已被壓碎。

講笑娛賓

然而，Ivana仍懂得苦中作樂，喜愛搞笑的她表演「講笑話」娛樂在場與她一同受蚊患之苦的二十多位臨記。雖然笑聲不多，但她已心滿意足：「呢首歌叫做《小團圓》，Wyman填詞，希望藉歌詞叫大家珍惜每一次小小的團圓，今次拍攝有咁多人一齊，都係小團圓，所以唔好咁多埋怨，大家開心啲！」

文：專案組